Bemeester die beleggingsuitdaging: Volg die langtermyn-benadering met diversifikasie

Kontak gerus  Karel De Waal  direk, PSG Wealth Welvaartbestuurder. 

Jou beleggingsgholfsak: Hoekom diversifikasie belangrik is

Vergelyk die bestuur van jou beleggingsportefeulje met ʼn rondte gholf op ʼn kampioenskapgholfbaan. Jy sal nie verwag om goed te speel as jy net ʼn drywer of net ʼn putter gebruik nie, of hoe? Dis hoekom gholfspelers tot 14 verskillende gholfstokke saamdra – elk ontwerp vir ʼn spesifiek doel, afstand en terrein. Vir krag om af te slaan, akkuraatheid op die skoonveld, vernuf naby of presisie op die setperk, moet jy die regte gholfstok gebruik.

Net so het ʼn robuuste beleggingsportefeulje verskillende tipes bates nodig – jou finansiële “gholfstokke”. Dít is wat diversifikasie beteken. Elke bateklas (aandele, effekte, eiendom, kommoditeite, kontant) en subkategorie (soos plaaslike en buitelandse aandele, of verskillende tipes effekte) reageer anders in verskillende marktoestande. ʼn Gediversifiseerde portefeulje help jou om die onvoorspelbare siklusse van finansiële markte te navigeer. Net soos met gholf, verg dit oefening (hou by jou plan), uithouvermoë (trotseer wisselvalligheid) en tyd (gee jou strategie kans om te werk) om jou beste langtermyn-resultate te behaal.

Veranderende toestande: Hoekom diversifikasie nou van kardinale belang is

Vir die grootste deel van die afgelope dekade het dit miskien gevoel of een “gholfstok” – spesifiek Amerikaanse aandele, met die tegnologiesektor aan die voorpunt – die meeste werk gedoen het en wêreldwyd uitstekende opbrengste gelewer het. Dit het meegebring dat die voordele van diversifikasie by tye minder opvallend was.

Konsentrasie van markleierskap is egter selde ʼn langtermyn-verskynsel. Dit kan juis nou die tyd wees wanneer ʼn behoorlik gediversifiseerde strategie van die uiterste belang word. Ons glo dit is wys om nie te veel op een enkele area te fokus nie. Wêreldwye diversifikasie met insluiting van internasionale aandele kan voordelig wees. In die verlede het die bewegings van Amerikaanse en wêreldmarkte nie altyd presies ooreengestem nie, en daarom bied dit ʼn potensiële buffer. Verder kan verskuiwings in wêreldhandel en valutadinamika, soos ʼn moontlike terugsakking van die Amerikaanse dollar, internasionale beleggings ʼn hupstoot gee.

Benewens die diversifikasie van jou aandele, is dit ook belangrik om jou diversifiseerders te diversifiseer. Dit is die bates wat jy hou om moontlik op te beweeg wanneer aandele afwaarts neig. Teen die agtergrond van huidige ekonomiese onsekerhede is dit moeilik om te voorspel watter spesifieke bate – hetsy kontant, effekte, kommoditeite, of aandele met min wisselvalligheid – op ʼn gegewe tydstip die beste teenwig sal wees. Daarom is die verspreiding van blootstelling oor verskillende tipes stabiliserende bates ʼn goeie strategie.

Gryp geleenthede aan

Alhoewel markdalings en tye van wisselvalligheid ongemaklik is, moet dit as ʼn langtermyn-geleentheid beskou word. Dit kan gedissiplineerde beleggers in staat stel om kwaliteitbates teen aantrekliker pryse te bekom – soos om waardevolle “gholfstokke” te koop wanneer hulle op uitverkoping is. Dit onderstreep die “maratahon”-benadering: gebruik die kinkels in die pad om jou posisie vir die lang reis te versterk. Wat baie help, is dat dit vandag baie makliker en meer kostedoeltreffend is om ʼn goed gediversifiseerde portefeulje op te bou.

Hou die pas vol

Onthou, ons doel is om jou deur die hele rondte te help, nie net om die eerste paar putjies te navigeer nie. ʼn Goed gediversifiseerde strategie, plus geduld en dissipline, bly die betroubaarste manier om jou langtermyn- finansiële doelwitte te bereik.

As jou toegewyde welvaart-adviesspan by PSG Paarl Cecilia Square Makelaars, is ons altyd hier om oor jou portefeulje te gesels, te sorg dat jou “gholfsak” met die regte “stokke” toegerus is vir jou unieke doelwitte en risiko-aptyt, en jou te help om op die lang termyn te bly fokus.

Gesels gerus met ons as jy enige vrae het of jou strategie wil hersien.