Doelgerigte welvaart: Hoekom vroue leiding moet neem in die bestuur van hul finansiële toekoms

Kontak gerus Carina van Rooyen   direk, PSG Wealth adviseur.

Die bestuur van welvaart behels meer as net syfers – dit gaan oor eienaarskap, duidelikheid en doelgerigtheid.

Die verantwoordelikheid saam met die geleentheid

Onlangse navorsing toon dat vroue nou meer as ʼn derde van die wêreld se rykdom beheer, en in Suid-Afrika raak vroue se aandeel al hoe groter. Binne families met ʼn hoë netto waarde raak vroue al hoe meer welvaartskeppers – hulle bou besighede op, bestuur trusts, en lei filantropiese inisiatiewe.

Welvaart skep geleenthede, maar ook kompleksiteit waar beleggings, belastingimplikasies, trusts en intergenerasie-beplanning deeglike oorweging verg. Belangrike besluite word te dikwels uitgestel of vermy – soms tot dit te laat is.

Vroue leef langer en onderhou al hoe meer beide ouer en jonger generasies, en neem dikwels ʼn finansiële leiersrol oor in tye van ingrypende lewensveranderings. Om te wag vir ʼn geleentheid soos egskeiding, weduweeskap of erfenis om beheer te neem, kan beteken dat jy onvoorbereid is op ʼn tydstip wanneer ʼn behoorlike strategie en beplanning die nodigste is.

Ware finansiële onafhanklikheid spruit voort uit die begrip van jou holistiese finansiële situasie, en om doelgerigte besluite te neem om jou nalatenskap gestalte te gee.

Die waarde van omvattende welvaartbestuur

Om die regte beleggings te kies, en jou finansiële welstand in lyn te bring met jou waardes, gesinsdinamika en langtermyn-visie, is ewe belangrik vir omvattende welvaartbestuur.

Vir die moderne vrou sluit omvattende welvaartbestuur verskeie oorwegings in:

• Welvaartoordrag na volgende generasies: maak seker dat welvaartoordrag behoorlik gestruktureer word, en in ooreenstemming met jou wense uitgevoer word.
• Opvolging in die besigheid: beplan vir geleenthede wat likiditeit verg of die oorgang vergemaklik.
• Internasionale kompleksiteite: navigeer internasionale beleggingsportefeuljes, trusts of belastingimplikasies.
• Filantropie: struktureer jou skenkings op ʼn belastingdoeltreffende en betekenisvolle wyse.
• Langlewendheid en onafhanklikheid: beplan vir die volhoubaarheid van inkomstevoorsiening, dikwels met veranderende verantwoordelikhede rondom gesondheid of versorging.

Selfs beduidende welvaart kan gefragmenteerd, ondoeltreffend of by tye selfs ʼn las raak, as dit nie goed gestruktureer is nie.

Hoekom die regte adviseur belangrik is

Hoewel baie vroue heeltemal in staat is om hul welvaart self te bestuur, het min die tyd of ingesteldheid om kenners van elke aspek van die finansiële landskap te word. Met ʼn gekwalifiseerde en geakkrediteerde welvaartbestuurder as vennoot, kan jy volle beheer behou en terselfdertyd baat vind by die leiding, insig en tegniese kundigheid wat nodig is om ingeligte besluite te neem. ʼn Welvaartbestuurder is ʼn strategiese finansiële vennoot wat jou help om besluite te neem wat met jou finansiële doelwitte, persoonlike waardes en behoeftes strook.

Kies ʼn welvaartbestuurder met ʼn fidusiêre plig om jou belange eerste te stel. Hierdie persoon moet die nuanses verstaan wat dit inhou om saam met jou jou welvaartbestuursreis aan te pak – insluitend hoe belangrik diskresie, vertroue en langtermyn-beplanning is.

ʼn Diskrete langtermyn-adviesverhouding behels meer as net beleggingsadvies – die welvaartbestuurder moet:

• ʼn klankbord vir persoonlike en finansiële besluite word
• ʼn strategiese vennoot wees wat jou help om jou nalatenskap op te bou en te beskerm
• jou teen swak finansiële produkte of opportunistiese advies beskerm
• jou belange bevorder – veral tydens ʼn oorgang en wanneer jy kwesbaar is.

Die beste welvaartbestuurders fokus nie op verkoop nie – hulle luister deeglik, doen oordeelkundige beplanning, hanteer jou sake met sorg en professionaliteit, en dra altyd jou belange op die hart.

Neem eienaarskap sonder om balans te verloor

Aanvaarding van verantwoordelikheid vir jou finansiële toekoms beteken nie dat jy alles self moet doen nie. Dit beteken om met doelgerigtheid te lei, met die ondersteuning van kundige leiding waarop jy kan staatmaak. Bemagtig jouself deur goed ingelig en doelgerig te wees, met die ondersteuning van ʼn vennoot en span wat jou intelligensie en vermoëns respekteer, en op jou langtermyn-doelwitte ingestel is.

As jy gereed is om ʼn meer aktiewe rol in die bestuur van jou welvaart te speel en jou nalatenskap te bou, oorweeg dit om met ʼn gekwalifiseerde welvaartbestuurder te gesels wat verstaan wat vir jou die belangrikste is. ʼn Sterk finansiële toekoms gebeur nie toevallig nie – dit word met duidelikheid, vertroue, en toepaslike advies en leiding geskep.